Изборот на стакла за прозорци и врати е од суштинско значење, особено кога станува збор за подобрување на енергетската ефикасност и звучната изолација во просторијата. Стаклопакетот претставува над 80% од површината на прозорците и најмногу влијае на изолационите карактеристики на прозорецот – топлинска изолација, звучна изолација, заштита од сонце, светлопропустливост. Поради оваа причина, не треба да се прават компромиси при неговиот избор. Тој е нешто многу повеќе од два или повеќе листа стакло, кои се споени со помош на дистанцер и заливка од специјални компоненти. Инвестициите во добар стаклопакет ќе се вратат повеќекратно за релативно краток период. За да има добри технички показатели, еден стаклопакет треба да има две степени на запечатување. Двобариерниот стаклопакет се состои од дистанцерска рамка, наполнета со абсорбент, врз која двострано се нанесува бутил, кој служи како бариера против преминување на водена пареа (прв степен на запечатување). Втората бариера е надворешното запечатување на просторот меѓу стаклата и дистанцерот со полисулфид.
Најновата технологија е изработка на стаклопакет со термопластичен дистанцер, кој се позиционира како производ со најдобрите линеарни показатели на термичка пропустливост, гарантирајќи превосходен комфор во просториите, одлична енергетска ефикасност и исклучително ниски емисии на CO2.
Основни предности на стаклопакет со TPS дистанцер:
1.Висока надежност како резултат на уникатниот процес на непрекинато затворање на дистанцерот (нема конектор-склопка).Дистанцерот се нанесува врз стаклото со висока температура, што помага за моментално прилепување кон стаклото и обезбедува оптимална адхезија на пакетот. Исто така, се добива многу цврста и целосна спојка со заливката. При овој процес се избегнуваат дефекти како човечка грешка при нанесување на дистанцата (разминување) и дамки и прашина кои паднале врз рамката.
2.100% кантирање на сите стакла.
3.Можност за изработка на стаклопакет со дебелина од 80 мм со 4 стакла.
Изборот на стаклопакет во голема мера се определува од нормите за енергетска ефикасност. Минималното барање во оваа насока е поставување на стаклопакет со нискоемисионо стакло. Одлучувачки при изборот се географскиот регион, намената на зградите, ориентацијата на зградата спрема сонцето (исток, запад, север, југ). Особено важни за нашата клима се соларната контрола, т.е. заштитата од сонце. Затоа, употребата само на нискоемисионо стакло не е доволна. Тоа ја задржува топлината во зима во просторијата, но во лето може да дојде и до прегревање. За подобар комфор, Ролпласт нуди во својот асортиман специјално високоенергетско стакло (Planistar sun plus), кое има комбинирани топлоизолациони и заштитни функции од сонце. Во зависност од дебелината на стаклото, соларниот фактор на ова стакло е 42-43%, а коефициентот на топлинска пропустливост – 1,1 W/m²K. Ова стакло се монтира како надворешно, со цел да се избегне прегревање на просториите во текот на летото. За станбеното градење е препорачливо поставување на троен стаклопакет и користење на комбинација од високоенергетско, обично стакло и нискоемисионо. Во овој случај, соларниот фактор паѓа под 40%, а коефициентот на топлинска пропустливост достигнува 0,5 – 0,7 W/m²K во зависност од дебелината на стаклопакетот. При градењето на трговски објекти, бизнис згради или други јавни згради, застаклувањето зависи од архитектонското решение за визијата и перцепцијата на зградата. Обично се избираат стакла што одговараат на условите за одредена визија и функционалност. Тенденцијата е да се користат се повеќе неутрални стакла со ниска надворешна рефлексија и добри карактеристики на топлинска пропустливост и заштита од сонце. Обично се вградуваат стакла со висок коефициент на селективност, кој го претставува односот на светлопропустливоста кон соларниот фактор.
Друго барање, кое се однесува на застаклувањето на покриви, е внатрешното стакло задолжително да е ламинирано, а надворешното – да е калено или ламинирано. Ова е од гледна точка на сигурност. Освен тоа, при големи стаклени фасади и покривни застаклувања, добро е да се користат самочистечки стакла, кои лесно се одржуваат и не образуваат конденз во студените утра.